Þeir eru alltaf flottir bræðurnir Skuggi og Baldur.  Þrátt fyrir ungan aldur hafa þeir skoðað heiminn.  Baldur fékk sér bílfar um Ölfusið og var týndur í viku en fannst sem beturfer og dafnar nú vel.  Skuggi lenti í einhverju hnjaski, vitum ekki hvar né hvernig, en er nú óðum að ná sér.  Þeir eru uppátektarsamir og kátir, hreint bráð skemmtilegir.

Share

  

Vetur konungur hefur ráðið ríkjum og oft á tíðum verið erfitt að hreyfa við hrossum einkum vegna ísa.  Það var létt yfir stóðinu þegar við rákum heim um daginn.

Share

  

Haukur Baldvinsson Haukur hefur verið mikið á keppnisvellinum síðustu ár og þá mest í 5gang og skeiðgreinum. Hann varð m.a Íslandsmeistari í gæðingaskeiði 2011 á Fal frá Þingeyrum en þeir hafa verið sigursælir saman í gæðingaskeiði og 5 gang síðustu ár. Haukur og fjölskylda eiga og reka Austurás sem er staðsett rétt utan við Selfoss en þar fara fram tamningar og þjálfun ásamt ræktun hrossa. Haukur var í Meistardeild Vís 2007 og 2008.

Share

  

Kynnum til þáttöku Eyvind Mandal Hreggviðsson.  Eyvindur hefur alist upp í hestamennsku.  Hann hefur verið virkur í sýningum og keppni í Svíþjóð frá barnsaldri.  Hann starfar nú í Auðsholtshjáleigu við tamningar og þjálfun.

Share

  

Meistaradeildin er að hefjast og er lið Auðsholtshjáleigu tilbúið í slaginn.  Keppnin hefst fimmtudaginn 26 janúar með  4-gangi.  Það er auðséð á tíðari ferðum knapa að Ingólfshvoli á síðustu dögum að það gætir vaxandi spennu.  Þó svo að það hafi nú ekki komið fram á skjálftamælum.  Lið Auðsholtshjáleigu er skipað þeim: Þórdísi Erlu Gunnarsdóttur liðsstjóra, Eyvindi Mandal Hreggviðssyni, Lenu Zielinski og Hauki Baldvinssyni.

Share